(((لكل زوج يحب زوجته )))

((لكل زوج يحب زوجته))
لسلام عليكم ورحمة الله وبركاته

دائما أقرأ في هذا المنتدى كيف تجعلين زوجك يحب كيف تجعلين زوجك يموت فيك ...................الخ
حبيت اكتب موضوع كيف تسعد "زوجتك "و تجعلها تسعدك

أشياء بسيطة وسهله لاتستغرق وقت
الأشياء البسيطه تخلي زوجتك اليوم كله مبتسمة وسعيده..رايقه وتسوى أي شي تطلبه بمزاج رايق

أول الأشياء
مثلا
في البيت....
إذا كنتم جالسين تناظرون التلفاز او تتقهوون التفت عليها فجأة قلها احبك يالغلا أو الله يخليك لي أو أي كلمه حلوه والله راح تنبسط مره

في المطبخ ...
ادخل عليها المطبخ وهي تطبخ او تسوي أي شئ وعطها بوسه وامسك ايدنها قل الله لايحرمني من هاليدين اذا كانت تعبانه من الشغل راح يزول كل التعب

حاول تناديها بالاسم الي تحبه ياحبيبتي او يالغاليه او نور البيت

اذا دخلت البيت وهي نايمه عطها بوسه على خدها

اذا لبست شي امدح لبسها لانها تلبسه علشانك

بين فتره وفتره غير جو انت وياها خذا اولادك اذا كان عندك اولاد وحطهم عند اهلك او اهلها واتمشى انت وهي وعيدو الذكريات الحلوه اللي كانت بينكم .:سر:..

اذا كنتم عند اهلك حط لها راي واحترام

المسجات..
ارسل لها مسج بين فتره واخرى اذا كنت بالدوام او عند اصدقائك او باي مكان والله المسجات لها اثر كبير في القلب خاصه اذا كنت انت كاتبه لو كلمه

الهديه...
الهديه تدخل السرور على القلب قال الرسول صلى الله عليه وسلم "تهادوا تحابوا"
كثير من الرجال يقول انا ماقصرت معها اشتري لها كل الي تبيه وتطلبه
بس الهديه غير انت تشتريها لها من غير ماتدري تفاجأها لو شي بسيط ومايكلف بس له اثر كبييييييييييرلانك فكرت فيها

والاشياء بسيطه بس راح تسعد زوجتك اذا كنت تحبها

واللي بجرب بعض الاشياء راح يشوف النتيجه وكل ماعطيتها من الكلام الحلو والحب والحنان راح تعطيك اكثر وتدلعك اكثر

واتمنى السعاده لكل المتزوجين